Gjiri Persik: Çfarë po përgatit Garda Revolucionare e Iranit?

Në një analizë e fundit e revistës amerikane The National Interest përqendrohet në një ngjarje ushtarake të shkallës së parë, e ndodhur vetëm një javë më parë në bregdetin jugor të Iranit: komandantët e lartë ushtarakë iranianë kanë përuruar një bazë të dronëve në ishullin Siri në Provincën Hormozgan.

Kjo revistë shkruan: "Ky është një rajon ultra-strategjik që vëzhgon ngushticën e Hormuzit. Vendndodhja e tij shënon një pikë kthese në strategjinë ushtarake iraniane, e cila deri më tani konsistonte në sigurimin e një mbrojtjeje të fortë kundër agresionit, por që papritmas bëhet ofensive. Irani, të cilit iu deshën 6 vjet për të ndërtuar këtë bazë, duket se e dëshiron atë më pak që të mbrohet dhe më shumë që të fillojë sulme apo edhe sulme parandaluese. Në fakt ishte një kohë kur Irani kërcënonte të bllokonte trafikun detar përmes ngushticës së Hormuzit në rast të një konfrontimi ushtarak, ndërsa tani ai fjalë për fjalë kërcënon të vendosë një bllokadë në portet e vendeve të pellgut jugor të Gjirit Persik nëse do shpërthente lufta ”. The National Interest shton: "Baza strategjike Siri i përgjigjet këtij ndryshimi të kursit. Në hartë baza është drejtpërdrejt përballë Emirateve të Bashkuara Arabe dhe Sulltanatit të Omanit. Është Marina e Korpusit të Gardës Revolucionare Islamike (IRGC), komponenti më i rëndësishëm i forcave të armatosura iraniane që do të vendoset atje. Kjo bazë dhe as vendndodhja e saj nuk ishin parashikuar nga asnjë analist ushtarak. Kjo është mjaft e papritur për ekspertët, objektivi është jo vetëm mbrojtës por përfshin edhe operacionet e vëzhgimit të afërt dhe operacionet sulmuese. Përveç armëve që janë vendosur atje, natyra e misionit është e qartë ". Artikulli i revistës amerikane vazhdon: "Rreth 190 dronë dhe helikopterë sulmues të prodhimit iranian dhe jo të huaj janë instaluar atje dhe Irani ka kryer mbulimin mediatik të ceremonisë së dorëzimit të tyre. Lloje të ndryshme të dronëve sulmues, kamikaze ose dronë zbulues janë atje. Sidoqoftë, karakteri i tyre krejtësisht lokal tashmë i bën ata objekte që janë të vështira për t'u zbuluar nga sistemet amerikane të zbulimit të vendosura gjerësisht në qiellin e Gjirit Persik. Sidoqoftë, gjerësia e ngushticës së Hormuzit është vetëm 55 km, që do të thotë se droni Mohaxher-6 është vendosur në ishullin Siri për të shkuar përtej ngushticës së Hormuzit dhe për të kryer, për shembull, misione në qiellin e Emirateve ose në vendet e tjera në Gjirin Persik jugor. Iranianët madje mund të shkojnë përtej ngushticës së Hormuzit dhe 'ata janë të gatshëm të bëjnë gjithçka. E gjithë kjo nuk është pa lidhje me normalizimin e lidhjeve të Izraelit me Emiratet ose Bahrejnin që i bëri këto dy vende objektiva të mundshëm të sulmit nga tufat e dronëve të fuqishëm iranianë. Dhe të mendosh se 18 tetori, data e heqjes së embargos për shitjen e armëve në Iran po afron shpejt dhe se Irani është një aleat strategjik i Kinës me një marrëveshje prej rreth 500 miliardë dollarësh që përfshin një sërë fushash të tilla si infrastruktura, telekomunikacioni, ushtria apo edhe transporti po përgatitet të përballet me SHBA-të, ndërsa Rusia e cila deklaroi se pas përfundimit të embargos së armëve kundër Iranit do të rifillojë bashkëpunimin ushtarak me Iranin, gjithashtu po pret kohën e saj. Javët e ardhshme do të jenë plot surpriza për kontigjentin amerikan në Gjirin Persik".