Zarif: Rajoni i Gjirit Persik ka nevojë për dialog dhe bashkëpunim

Ministri i Punëve të Jashtme të Republikës Islamike të Iranit tha: Rajoni i Gjirit Persik ka nevojë për dialog dhe bashkëpunim dhe vendosjen e masave për ndërtimin e besimit midis vendeve të këtij rajoni.

Ministri i Jashtëm i Republikës Islamike të Iranit, Muhamed Javad Zarif, gjatë mbërritjes së tij në Baku të Dielën në mbrëmje, theksoi se tema kryesore e vizitës ishte diskutimi i bashkëpunimit rajonal, i cili është shumë i rëndësishëm për Teheranin, duke shtuar:  Konsultimi për bashkëpunimin rajonal me këto vende, të cilat kanë marrëdhënie shumë të mira bilaterale me Republikën Islamike të Iranit, është një nga qëllimet më të rëndësishme të këtij udhëtimi.  Zarif gjithashtu njoftoi se çështjet e transitit si dhe përfundimi i korridoreve të transportit veri-jug dhe jug-perëndim janë tema për të cilat do të diskutojë gjatë udhëtimit.  Ai shtoi: "Përveç Republikës së Azerbajxhanit, ai në ditët në vijim do të udhëtojë në Rusi, Armeni, Gjeorgji dhe ndoshta Turqi gjatë fundjavës ".  Sot (e hënë), Ministri i Punëve të Jashtme të Republikës Islamike të Iranit Muhamed Javad Zarif është planifikuar të takohet me Presidentin e Republikës së Azerbajxhanit Ilham Aliyev, homologun e tij Azerbajxhanas Jeyhun Bayramov dhe Zëvendës Kryeministrin e Azerbajxhanit Shahin Mustafaev. Pas udhëtimit, ai do të largohet nga Bakuja për në Moskë për t'u takuar me zyrtarë rusë.