Ministria iraniane e Inteligjencës: U vra udhëheqësi i një grupi terrorist

Ministria e Inteligjencës e Iranit njoftoi vdekjen e udhëheqësit të një grupi terrorist dhe arrestimin e elementëve kryesorë të këtij grupi.

Në njoftimin e Ministrisë së Inteligjencës thuhet se forcat iraniane të sigurisë, sulmuan një grup terrorist, i cili, me mbështetjen dhe drejtimin e shërbimeve inteligjente të vendeve armiqësore, synonte të kryente operacione sabotimi brenda Iranit. Detajet e këtij operacioni dhe koha e vrasjes së drejtuesit të këtij grupi do të përmenden në dokumentarin e përgatitur nën titullin "Një mijë thika" në rubrikat e lajmeve të Radio Televizionit të Iranit sonte.