Arritje pozitive e Iranit në bisedimet bërthamore me Rusinë

Kreu i Organizatës së Energjisë Atomike të Iranit (AEOI) Mohammad Eslami tha se në raundin e ri të bisedimeve Teherani dhe Moska kanë arritur marrëveshje për të krijuar një mekanizëm të ri për të përshpejtuar procedurat e bashkëpunimit në sektorin e energjisë paqësore bërthamore.

Eslami, i cili është në Moskë për të diskutuar me Presidentin e kompanisë shtetërore ruse ROSATOM, Alexey Likhachev, tha në një konferencë shtypi se marrëveshja fillestare u bë për të përshpejtuar zbatimin e projekteve dhe planeve të përbashkëta bërthamore në fushat e shëndetit, zhvillimit të aplikimeve të rrezatimit dhe centraleve bërthamore, veçanërisht duke operuar dhe përuruar Impiantin N1 të Bushehrit dhe fazat e dyta dhe të treta të projektit. Ai gjithashtu tha se ishte rënë dakord që Irani të caktonte një afat pagese për të parandaluar vonesat në projekt dhe gjithashtu do të rritej efikasiteti për të kompensuar vonesën 22-mujore që kishte ndodhur tashmë. Eslami dhe Likhachev u takuan në Moskë dhe diskutuan zgjerimin e bashkëpunimit Iran-Rusi mbi energjinë paqësore bërthamore.