Amir Abdullahian: Regjimi i rremë sionist është shkaku i problemeve të rajonit

Në një bisedë telefonike me shefin e zyrës politike të Lëvizjes së Rezistencës Islamike Hamas, ministri i Jashtëm iranian Husein Amir-Abdullahian theksoi se regjimi i rremë sionist është rrënja e problemeve të rajonit.

Sipas IRNA, Amir Abdullahian në një bisedë telefonike me Ismail Haniyeh, kreun e zyrës politike të Lëvizjes së Rezistencës Islamike (Hamas), uroi lëvizjen për përvjetorin e saj dhe theksoi mbështetjen e vazhdueshme të Republikës Islamike të Iranit për rezistencën palestineze. Në këtë bisedë telefonike, ministri i Jashtëm iranian, duke iu referuar aksionit të fundit të qeverisë britanike për shpalljen e Hamasit si organizatë terroriste, e quajti atë një veprim politik kundër popullit palestinez. Ai shtoi:  Regjimi i rremë sionist është shkaku i telasheve dhe rrënja e problemeve të rajonit dhe për këtë arsye ato pak vende të rajonit që janë në rrugën e normalizimit të marrëdhënieve me këtë regjim të rremë, po veprojnë kundër sigurisë dhe interesave të rajonit dhe Umetit islam. Haniyeh, kreu i zyrës politike të Lëvizjes së Rezistencës Islame, vlerësoi gjithashtu pozitën e lartë të gjeneral Kasem Sulejmani dhe tha: Ne e kujtojmë me krenari Dëshmorin Sulejmani dhe vlerësojmë mbështetjen e Republikës Islamike të Iranit në të gjitha vitet që nga fitorja e Revolucionit Islamik për kauzën dhe rezistencën palestineze. Haniyeh gjithashtu e quajti normalizimin e marrëdhënieve me regjimin sionist me disa vende të rajonit një pasiguri, paqëndrueshmëri dhe një kërcënim për çështjen palestineze dhe për të gjithë umetin islamik dhe tha se kjo strategji është e destinuar të dështojë sepse vullneti i popujve i rajonit është më i fortë dhe mund t'i mposht këto qasje.