Irani gati për raundin e pestë të negociatave me Arabinë Saudite

Ministri i Jashtëm iranian tha se Irani ishte gati të zhvillonte raundin e pestë të negociatave me Arabinë Saudite, pavarësisht sfidave në marrëdhëniet dypalëshe.

Ai shtoi se Irani nuk është pala që duhet fajësuar për mungesën e marrëdhënieve të mira me Arabinë Saudite, por ishte Riadi ai që ndërpreu marrëdhëniet me Teheranin. Ministri i Jashtëm i Iranit Hossein Amir-Abdollahian ka përsëritur respektimin e Republikës Islamike ndaj vijave të kuqe në lidhje me çështjen e Palestinës, duke thënë se Teherani nuk do të tolerojë kurrë ndikimin izraelit të çfarëdo lloji në rajonin e Gjirit Persik. “Në marrëdhëniet tona të mira me Emiratet e Bashkuara Arabe, ne nuk harrojmë vijat tona të kuqe në lidhje me çështjen palestineze. Ne nuk do të pranojmë asnjë ndikim izraelit në Gjirin Persik dhe shtetet e rajonit janë kundër normalizimit të lidhjeve me Izraelin”, tha të premten Amir-Abdollahian në një intervistë ekskluzive me rrjetin televiziv Al-Mayadeen. Ministri i Jashtëm i Iranit tha se Izraeli është në një pozitë shumë të dobët tani dhe po kalon një sërë problemesh. Dëshmia e kësaj, tha Amir-Abdollahian, u duk kur operacioni  palestinez 'Shpata e Kudsit' vitin e kaluar i dha një goditje të madhe regjimit të brishtë izraelit. Më tej në intervistën e tij, diplomati i lartë iranian tha se politika e jashtme e Republikës Islamike bazohet në pavarësinë politike dhe mosvarësinë as nga Perëndimi, as nga Lindja. Ai tha se administrata e presidentit Ebrahim Raisi po ndjek një diplomaci të mençur dhe bashkëpunim aktiv me të gjitha vendet.