Ali Bagheri Kani takohet me zyrtarë norvegjezë

Zëvendësministri i punëve të jashtme të Iranit gjatë vizitës në Norvegji, është takuar me zyrtarë të këtij vendi në kuadër të raundit të dhjetë të konsultimeve politike ndërmjet Teheranit dhe Oslos.

Agjencia e lajmeve Fars njoftoi se Ali Bagheri Kani, zëvendësministri i punëve të jashtme të Iranit, i cili udhëtoi për në Oslo për të marrë pjesë në raundin e dhjetë të konsultimeve politike midis dy vendeve me ftesë të zëvendësministrit norvegjez Henrik Toone, të mërkurën zhvilloi takime të ndara me Toure Hatram, sekretari i përgjithshëm i Ministrisë së Punëve të Jashtme të Norvegjisë, dhe me Amund Wick, zëvendësministër i naftës dhe energjisë së Norvegjisë si dhe me Vidar Ulriksen, zëvendësministër i tregtisë, industrisë dhe peshkimit të Norvegjisë, me të cilët diskutoi çështje me interes të përbashkët në sektorët politikë, energjitikë dhe peshkim.
Bagheri Kani gjatë vizitës në Oslo u takua edhe me një grup iranianësh që jetojnë në Norvegji dhe duke iu referuar kapaciteteve të shumëllojshme të iranianëve jashtë vendit, deklaroi: “Kusht i domosdoshëm për mbrojtjen e identitetit kombëtar është lidhja e vazhdueshme e iranianëve që jetojnë jashtë me atdheun e tyre”.

Duke nënvizuar angazhimin e qeverisë, veçanërisht të Ministrisë së Punëve të Jashtme të Iranit për të ofruar lehtësitë e nevojshme për të lehtësuar ndërveprimin efektiv të iranianëve jashtë vendit në procesin e zhvillimit dhe përparimit të Iranit Islamik, zëvendësministri i jashtëm iranian shprehu shpresën se iranianët që jetojnë në Norvegji do të jenë përfaqësues të denjë të qytetërimit, kulturës dhe madhështisë iraniane.