Queiroz: Nesër duhet të jemi skuadra më e mirë në planet

Trajneri i kombëtares iraniane në konferencën për shtyp para ndeshjes Iran-SHBA, theksoi: “Jam i sigurt që djemtë e mi do të bëjnë më të mirën dhe ndeshja e nesërme do të jetë shumë e veçantë".

Sipas raportimit të kanalit tv Sport3, Carlos Queiroz u është përgjigjur pyetjeve të gazetarëve në një konferencë të gjatë për shtyp dhe ka folur në atë mënyrë që gjatë kësaj konference është duartrokitur dy herë nga gazetarët. Trajneri i ekipit kombëtar të futbollit të Iranit e nisi konferencën për shtyp si më poshtë: Zonja dhe zotërinj, mirëseardhët. Nesër është një lojë e veçantë veçanërisht për mua. Kombëtarja e ka këtë mundësi të krenohet. Shpresoj të kemi performancën më të mirë. Amerika është skuadra më e qëndrueshme në grup. Ata janë një ekip i madh dhe e kanë treguar këtë në ndeshjet e mëparshme. Jam i sigurt që nesër lojtarët do të bëjnë më të mirën, nesër do të jetë një lojë e veçantë për ne. Shpresoj që të kemi një shfaqje të mirë kundër Amerikës. Fitorja kundër Uellsit na rriti shpirtin luftarak dhe duam të jemi në raundin tjetër. Queiroz u pyet për marrëdhëniet e ngushta me lojtarët e kombëtares dhe tha: Unë gjithmonë kam besuar se një ekip futbolli duhet respektuar për të qenë një ekip. Ne jemi një ekip dhe kjo është ajo në të cilën besoj. Në përgjigje të pyetjes, cili është mendimi juaj në lidhje me ankesën e djeshme të Federatës së Futbollit iranian për shkak të veprimeve të Shteteve të Bashkuara në hapësirën kibernetike, Queiroz tha: Pas 42 vitesh përvojë, nëse mendoj se me këto luftëra psikologjike, është e mundur të fitosh një ndeshje futbolli, atëherë më duket se nuk  kam mësuar diçka për lojën e futbollit. Unë kam lindur në Afrikë dhe kam punuar në shumë vende deri më sot. Nëse e dini se çfarë magjie mund të krijojë një top i thjeshtë për ata që nuk kanë ngrënë për dy ditë, me siguri do ta dini rëndësinë e misionit tuaj. (Duartrokitje nga publiku) Duhet të jem besnik ndaj asaj që babai im më mësoi si trajner. Në fund Queiroz theksoi: Shpresojmë që nesër të jemi ekipi më i mirë në planet. Le të luajmë me më shumë forcë dhe aftësi dhe të jemi në gjendje të shënojmë gola në këtë lojë. Kjo është ajo që ne shpresojmë.