Zbulohet një fushë e re e naftës në jugperëndim të Iranit

Drejtori për zbulim i kompanisë kombëtare të naftës së Iranit ka njoftuar për zbulimin e burimeve të reja të naftës dhe gazit në jugperëndim të Iranit.

Agjencia e lajmeve Tasnim njoftoi se Mahdi Fakuri, drejtori për zbulim i kompanisë kombëtare të naftës së Iranit, deklaroi: "Në jugperëndim të Iranit janë zbuluar burime të reja të naftës detajet e të cilave do të publikohen në një të ardhme të afërt nga ministri i naftës së Iranit. Gjithashtu, specialistët iranianë për zbulimin e naftës dhe gazit kanë projektuar një bllok zbulimi detar në ujërat e Gjirit Persik në të cilin sasia e rezervave të gazit në këtë bllok zbulimi është mbi 30 trilion këmbë kube gaz".

Drejtori i zbulimi të kompanisë kombëtare të naftës së Iranit gjithashtu tha: "Për herë të parë, Irani ka zhvilluar një metodë magnetike për matjen e ajrit deri në thellësi 7 mijë metër nën nivelin e tokës për të zbuluar dhe identifikuar rezervat dhe fushat hidrokarbure. Kjo metodë teknologjike zbatohet me anë të një avioni të veçantë dhe projektimi i këtij avioni është bërë nga ekspertët iranian dhe aktualisht ky avion është duke marrë të dhënat dhe në kuadër të këtij projekti, do të bëhet matja dhe vlerësimi i një të dhjetave të sipërfaqes së Iranit me anë të këtij avioni".

Drejtori i zbulimi të kompanisë kombëtare të naftës së Iranit theksoi: "Shumë pak pilotë në botë kanë aftësi të kryejnë fluturime me një avion të tillë, për arsye se fluturimi duhet të bëhet në nivel shumë të ulët (nën 600 metra nga toka) dhe në kushte të veçanta. Kjo teknologji është projektuar dhe zhvilluar një specialist iranian 30 vjeçar i cili ka kryer studimet në Iran".