Faza e 14-të e Pars Jugut u përurua nga presidenti iranian

Në të njëjtën kohë me vizitën e presidentit të Republikës Islamike të Iranit në provincën Bushehr, në jug të Iranit, u përurua dhe filloi punën edhe Faza e 14-të e fushës së përbashkët Parsi Jugor.

Rafineria e Fazës së 14-të të Parsit Jugor është kompleksi i fundit i rafinerive në zhvillim e sipër në fushën e gazit dhe naftës Parsi Jugor, që fazat e ndërtimit dhe lëshimit në funksion janë kryer nga Kompania e Naftës dhe Gazit "Pars" si përfaqësuese e Kompanisë Kombëtare të Naftës së Iranit. Punimet gjatë këtyre fazave janë kryer nga disa kompani kontraktore iraniane të drejtuara nga Organizata për Zgjerim dhe Modernizim të Industrive të Iranit.

Faza e 14-të e fushës së përbashkët të gazit "Parsi Jugore" konsiderohet faza më e madhe e ndërtuar dhe zhvilluar nga industria iraniane e naftës dhe gazit me kapacitete vendore. Me lëshimin në funksion të plotë të projektit zhvillimor Faza e 14-të e Parsit Jugor, nxjerrja dhe prodhimi ditor nga kjo fazë llogaritet të jetë mbi 50 milionë metër kub dhe vlera e prodhimeve eksportuese nga kjo fazë llogaritet rreth 3.5 miliardë dollarë.

Agjencia e lajmeve IRNA njoftoi se Sejed Ebrahim Raisi, presidenti i Iranit, ditën e enjte në destinacionin e tretë të vizitës së tij në provincën Bushehr, ka bërë inaugurimin dhe hapjen e kësaj faze të prodhimit të gazit në Parsin Jugor.