Ministrat e Jashtëm të Iranit dhe Omanit diskutojnë për heqjen e sanksioneve

Ministrat e Jashtëm të Iranit dhe Omanit shkëmbyen mendime për marrëdhëniet ndërmjet Iranit dhe Bashkimit Evropian dhe negociatat për heqjen e sanksioneve.

Negociatat për heqjen e sanksioneve ndaj Iranit u mbajtën në Vjenë më 4 gusht 2022 dhe përfunduan më 8 gusht me kthimin e delegacioneve në kryeqytete. Pas muajsh bisedimesh intensive në Vjenë, negociatat për heqjen e sanksioneve kanë arritur në një fazë ku nëse Shtetet e Bashkuara, si palë që shkeli JCPOA, pranon kërkesat e arsyeshme të Iranit dhe kërkesat për formimin e një marrëveshjeje të qëndrueshme dhe të besueshme, atëherë marrëveshja përfundimtare do të të arrihet.  Sipas IRNA, ministri i Jashtëm i Iranit, Hossein Amir Abdollahian, në një bisedë telefonike me ministrin e Jashtëm të Omanit, Badr Albusaidi, duke uruar për ardhjen e muajit të shenjtë të Ramazanit, përmendi çështjet me interes në marrëdhëniet dypalëshe, duke përfshirë koordinimin në lidhje me vizitën e ardhshme të Sulltanit të Omanit në Teheran.  Në këtë bisedë telefonike, ministri i Jashtëm i Omanit diskutoi për disa çështje dypalëshe dhe rajonale, pasi ai shprehu urimin për muajin e shenjtë të Ramazanit dhe festën e lashtë të Nevruzit. Në këtë bisedë palët shkëmbyen mendime edhe për vizitën e Sulltanit të Omanit në Iran, përshëndetën rivendosjen e marrëdhënieve mes Teheranit dhe Riadit, marrëdhëniet mes Iranit dhe Bashkimit Evropian, si dhe diskutuan për heqjen e sanksioneve.