Raisi: Konvergjenca midis vendeve muslimane është e nevojshme për të mbështetur Palestinën

Presidenti i Iranit Ebrahim Raisi ka bërë thirrje për bashkëpunim dhe konsensus midis vendeve myslimane për të mbështetur Palestinën dhe për të dënuar aktet e agresionit të regjimit sionist kundër palestinezëve.

“Konvergjenca dhe konsensusi midis vendeve myslimane në mbështetje të çështjes së Palestinës dhe dënimi i akteve të agresionit të regjimit sionist, veçanërisht masave të egra të këtij regjimi në xhaminë al-Aksa dhe kundër besimtarëve palestinezë, është shumë i rëndësishëm dhe i domosdoshëm”, tha Presidenti iranian në një bisedë telefonike të hënën me kryeministren e Bangladeshit Sheikh Hasina. Më tej në fjalën e tij, Raisi tha se politika e jashtme e Iranit bazohet në zgjerimin dhe forcimin e marrëdhënieve me të gjitha vendet, veçanërisht me shtetet myslimane. Presidenti iranian shprehu shpresën se Teherani dhe Daka do të nxisin më tej bashkëpunimin, veçanërisht në fushën tregtare dhe ekonomike. Kryeministrja e Bangladeshit, nga ana e saj, dënoi aktet kriminale të Izraelit kundër popullit palestinez dhe tha se mbështetja për kombin e shtypur palestinez dhe dënimi i brutalitetit të regjimit të Tel Avivit janë ndër qëndrimet e palëkundura të vendit të saj.