Gjeneral-major Bagheri: Evropianët nuk duhet të ndjekin Amerikën
Shefi i Shtabit të Forcave të Armatosura të Iranit deklaroi se Amerika është në rrugën e rënies dhe theksoi se nëse Evropa dhe aleatët e tjerë të Amerikës nuk çlirohen nga zinxhirët e ndjekjes së verbër të këtij vendi, ata do të shkojnë prapa me të.
Agjencia e lajmeve Tasnim njoftoi se gjeneralmajor Muhamed Bagheri, shefi i Shtabit të Përgjithshëm të Forcave të Armatosura të Iranit, sot në konferencën "Gjeometria e Rendit të Ri Botëror" në Teheran, deklaroi: "Përpjekja për udhëheqje absolute në botë ka rezultuar me dështim, shenjat e të cilit mund të shihen në tërheqja në mënyrë të arratisur e ushtrisë amerikane nga Iraku dhe Afganistani dhe reduktimi i ndjeshëm i forcave ushtarake amerikane në Azinë Perëndimore, mund të vërehen në konfuzionin e Shteteve të Bashkuara të Amerikës në dislokimin në Azinë Perëndimore, Kinën Jugore dhe në Evropën Perëndimore, si dhe në faktorë të tjerë".
Gjeneralmajor Bagheri duke thënë se Azia dhe Lindja kanë mendime të unifikuara kundër politikës amerikane të imponuar me forcë dhe se shtetet janë në rrugën e integrimit dhe unitetit duke u mbledhur në Traktatin e Shanghait, theksoi: "Kjo pjesë e botës do të jetë padyshim fuqia kryesore e botës në të ardhmen".
Shefi i Shtabit të Forcave të Armatosura të Iranit në vazhdim vuri në dukje gjithashtu se regjimi sionist, i cili dëshironte të pushtonte territoret nga Nili deri në Eufrat dhe shënoi fitore në luftën me arabët, tani ndodhet në rrugën drejt rënies, ndërsa shtoi: "Në anën tjetër, populli i shtypur palestinez dhe boshti i rezistencës janë në kulmin e fuqisë së tyre dhe në kulmin e koordinimit dhe lëvizjes në rritje në rrugën e çlirimit të Palestinës".
Gjeneralmajor Muhamed Bagheri vuri në dukje se Irani e konsideron qasjen e pranisë ushtarake amerikane dhe partnerëve të tij evropianë si të dëmshme për rajonin dhe njeh të drejtën e popullit palestinez për sovranitet dhe po e mbështet atë me të gjitha forcat.
Shefi i Shtabit të Përgjithshëm të Forcave të Armatosura të Iranit gjithashtu, duke iu referuar konfliktit midis Rusisë dhe Ukrainës, deklaroi: "Kalimi i Rusisë nga besimi te Perëndim në qëndrimin kundër zgjerimit të NATO-s në Lindje, madje edhe me koston e përfshirjes në një luftë, dhe nga ana tjetër, insistimi i Amerikës për vazhdimin e luftës, edhe me koston e shkatërrimit të infrastrukturës së Ukrainës dhe këmbëngulja e Rusisë për krijimin e një zone tampon; duket se kjo luftë nuk do të përfundojë në mënyrë të thjeshtë dhe duke bllokuar rrugët e transferimit të mallrave dhe energjisë në Evropë, do të krijojë një vështrim drejt Lindjes në Rusi".
