Marina e IRGC në nivelin më të lartë të gatishmërisë

Komandanti i Marinës së Korpusit të Gardës së Revolucionit Islamik (IRGC) tha se forcat e tij janë aktualisht në nivelin më të lartë të gatishmërisë dhe kanë kontroll të plotë mbi Gjirin Persik në zonën ajrore, sipërfaqësore dhe nëndetare.

"Lëvizja e anijeve të armikut në Gjirin Persik është nën mbikëqyrjen e vazhdueshme të Marinës së IRGC," u tha gazetarëve të premten admirali Alireza Tangsiri në qytetin jugor iranian Bushehr. Ai shtoi se rruga ujore strategjike e Gjirit Persik është në siguri të plotë. Admiral Alireza Tangsiri theksoi se pajisjet e avancuara të rëndësishme ushtarake janë projektuar dhe prodhuar brenda vendit, dhe shtoi: "Marina dhe Forcat Tokësore të IRGC dhe Ushtrisë, si dhe Divizioni i Hapësirës Ajrore  i IRGC, kanë bërë përparim të madh." Tangsiri tha: "Me pajisje të tilla dhe forca të afta, niveli i gatishmërisë së Forcave të Armatosura të Republikës Islamike të Iranit po rritet dita ditës". Komandanti i Marinës së IRGC tha se nuk ka nevojë për forca ekstra-rajonale për të garantuar sigurinë e Gjirit Persik duke pasur parasysh se Irani dhe vendet fqinje po bashkëpunojnë për të garantuar sigurinë e rrugës ujore strategjike.