Evropa synon blerjen e dronëve të prodhuar nga Irani

Një zyrtar ushtarak iranian tha se shumë vende perëndimore kanë kërkuar të blejnë mjete ajrore pa pilot të prodhuar nga Irani.

Zëdhënësi i Ministrisë së Mbrojtjes të Iranit, gjeneral brigade Reza Talaei-Nik, i tha agjencisë së lajmeve Tasnim të shtunën se ka një bollëk klientësh të mundshëm për dronët ushtarakë të prodhuar nga Irani. Ai tha se Irani është i përgatitur të eksportojë dronë ushtarakë pasi të ketë parasysh kapacitetin e prodhimit dhe nevojat e brendshme. Irani është i gatshëm të eksportojë dronët e tij me kusht që “konsideratat politike dhe të sigurisë” të mos zbatohen për asnjë klient dhe vendi të sigurohet që dronët e tij nuk do të blihen për përdorim të papërshtatshëm, theksoi Talaei-Nik. Zyrtari iranian, megjithatë, nuk dha emrin e vendeve perëndimore dhe evropiane që kërkojnë dronë iranianë, sepse ata duan të mbeten anonimë. Talaei-Nik tha se Irani është ndër 10 vendet më të mira në botë për sa i përket teknologjisë së industrisë së mbrojtjes. Zëdhënësi i Ministrisë së Mbrojtjes shtoi se Irani ishte në gjendje që në 45 vjet, të "transformohej nga një importues i armëve, në një vend që prodhon rreth 90% të nevojave të tij ushtarake".