Iran: Izraelitët po marrin frymën e fundit

Ministri i Mbrojtjes i Iranit, gjeneral brigade Mohammad Reza Ashtiani tha se izraelitët po marrin frymën e fundit dhe veprimet dhe krimet terroriste që regjimi okupator ka kryer në të gjithë botën nuk do ta parandalojnë rënien e tij.

Duke iu referuar sulmeve të fundit terroriste që ndodhën në Kerman në Iranin jugor, Ashtiani i tha agjencisë së lajmeve Fars të martën se Izraeli "po përdor lëvizje të tilla dhe po ndërmerr veprime të tilla të verbëra për të kompensuar dështimet strategjike që ka pësuar në rajon".

“Terroristët dhe armiqtë nuk do të arrijnë askund me këto veprime dhe këto veprime nuk do të kenë ndonjë ndikim në situatën e tyre”, tha ai, duke shtuar se "regjimi izraelit po kolapsohet dhe situata do të mbetet e pandryshuar”.

“Fakti është se sionistët po marrin frymën e fundit, ata janë të izoluar globalisht për krimet e tmerrshme që kanë kryer në të gjithë botën.”

Ashtiani u zotua se Irani do të vazhdojë të mbështesë frontin e rezistencës pavarësisht veprimeve të Izraelit.