Irani: OBI përballet me sprovën e fundit mbi krimet izraelite

Zëdhënësi i Ministrisë së Jashtme të Iranit ka theksuar rëndësinë e takimit urgjent të Organizatës së Bashkëpunimit Islamik (OBI), duke thënë se blloku prej 57 anëtarësh po përballet me një sprovë mbi luftën gjenocidale të Izraelit në Rripin e Gazës.

Naser Kanani i bëri komentet të hënën në një konferencë javore për shtyp, një ditë përpara një takimi të jashtëzakonshëm të Këshillit të Ministrave të Jashtëm të OBI mbi luftën në Gaza në qytetin saudit Xheddah.

Ky është takimi i dytë i tillë në Arabinë Saudite pasi ky vend priti një takim të ngjashëm vitin e kaluar.

“Kjo luftë mizore vazhdon nën hijen e luftënxitjes së zyrtarëve të regjimit sionist dhe mbështetjen e pakufizuar të Shteteve të Bashkuara. OBI po përballet nesër me një sprovë të fundit për të treguar se sa do të përdorë kapacitetin e saj në mbështetje të Palestinës, "tha ai.

“Udhëheqësit e vendeve myslimane pritet të marrin një vendim të fortë dhe unanim që kërkon një hap efektiv për të mbrojtur Palestinën, me urgjencën e ndalimit të luftës”, tha Kanani.

Lidhur me sulmin tokësor të Izraelit në Libanin jugor dhe mundësinë e përshkallëzimit të tensioneve, zëdhënësi  i Ministrisë së Jashtme të Iranit tha se regjimi izraelit, për shkak të natyrës së tij terroriste, po kërkon të nxisë tensionin dhe të përhapë pasigurinë në rajon.

“Çdo veprim i ndërmarrë nga Izraeli kundër vendeve të tjera është një veprim që synon të rrezikojë paqen dhe sigurinë rajonale”, shtoi ai.

Kanani pohoi se përgjegjësia i takon regjimit të Tel Avivit dhe qeverive që e mbështesin atë, në veçanti Shtetet e Bashkuara, të cilat e kanë mbështetur plotësisht regjimin sionist dhe e kanë bërë të paefektshëm Këshillin e Sigurimit të OKB-së përmes abuzimit me të drejtën e vetos.

Zëdhënësi i Ministrisë së Jashtme të Iranit vuri në dukje se komuniteti ndërkombëtar është plotësisht përgjegjës për veprimet provokuese të Izraelit kundër Libanit.