Ajetollah Khamenei shpreh ngushëllime për vdekjen e nënës së Hasan Nasrallah
Lideri Suprem i Revolucionit Islamik Ajetollah Khamenei i ka shprehur ngushëllime sekretarit të përgjithshëm të lëvizjes së rezistencës libaneze Hezbollah për vdekjen e nënës së tij.
Ajetollah Khamenei publikoi një mesazh të hënën për të shprehur simpatinë e tij me Sejed Hasan Nasrallah për humbjen e nënës së tij Mahdija Safi al-Din dy ditë më parë.
Në mesazh, Lideri Suprem tha se fakti që Nasrallah, të cilin ai e cilësoi si “udhëheqësi i palodhur i Rezistencës”, ishte rritur në krahët e një gruaje të devotshme si nëna e tij, ishte një shenjë e madhështisë dhe dinjitetit të saj.
Ajetollah Khamenei iu lut Zotit që t'i japë bekimin dhe mëshirën e tij nënës së Nasrallahut, ndërsa u lut për bekimin e liderit të Hezbollahut dhe shokëve të tij trima në grupet e rezistencës në rajon.
Nëna e Nasrallah, e njohur përgjithësisht me pseudonimin e saj Sejeda Umm Hassan, vdiq më 25 maj pas një periudhe sëmundjeje. Ajo u varros në një varrezë në periferinë jugore të Bejrutit të dielën pas një funerali ku morën pjesë populli dhe zyrtarë të lartë libanezë.