Pezeshkian: Irani kërkon të forcojë lidhjet me Uzbekistanin
Gusht 31, 2024 21:01 Europe/Tirane
Presidenti i Iranit Masoud Pezeshkian ka theksuar se rritja e bashkëpunimit me vendet fqinje, veçanërisht me Uzbekistanin, është një prioritet kryesor i politikës së jashtme të administratës së tij.
Siç njofton agjencia e lajmeve IRNA, në një mesazh të shtunën, Pezeshkian i uroi homologut të tij uzbek, Shavkat Mirzioyev dhe kombit vëllazëror të Uzbekistanit për përvjetorin e pavarësisë së vendit.
Presidenti iranian shprehu besimin se marrëdhëniet mes Iranit dhe Uzbekistanit do të forcohen më tej bazuar në interesat e ndërsjella.
Ai përsëriti se zhvillimi i bashkëpunimit me vendet fqinje dhe të rajonit, veçanërisht me Uzbekistanin, mbetet një fokus kyç për qeverinë aktuale iraniane.
