Araghchi: Gjaku i Nasrallahut do të forcojë rezistencën

Ministri i Jashtëm iranian Abbas Araghchi deklaroi se regjimi sionist do të shohë se si gjaku i liderit martir të Hezbollahut, Hasan Nasrallah do të çojë në zgjerimin e mëtejshëm të rezistencës.

Araghchi i bëri komentet në një mesazh të shtunën, duke shprehur ngushëllime për martirizimin e Nasrallah.

Nuk është hera e parë që regjimi sionist martirizon liderët dhe komandantët e Hezbollahut, tha ministri i jashtëm iranian, duke vënë në dukje se “pema e pastër e rezistencës nuk do të ndalojë së jetuari dhe së rrituri”.

Ai gjithashtu iu referua martirizimit të paraardhësit të Nasrallahut si udhëheqës i Hezbollahut, Abbas Mousavi, duke theksuar se gjaku i tij shkaktoi më shumë fuqizim të Hezbollahut dhe gjaku i Nasrallahut do të çojë gjithashtu në më shumë zgjerim të rezistencës.

Araghchi ngushëlloi Liderin Suprem të Revolucionit Islamik Ajetollah Khamenei, Umetin Mysliman dhe popujt e rajonit, si dhe popullin libanez dhe iranian dhe të gjitha pjesët e ndryshme të Boshtit të Rezistencës për këtë martirizim.

Më tej ai vuri në dukje se gjaku i dëshmorëve të rezistencës do të hapë rrugën për fitoren përfundimtare dhe çlirimin e Kudsit të Shenjtë nga pushtimi i kriminelëve sionistë.