Hezbollahu ka zëvendësuar të gjithë komandantët martirë
Një ish-komandant i Korpusit të Gardës së Revolucionit Islamik (IRGC) theksoi se lëvizja libaneze e rezistencës Hezbollah ka zëvendësuar të gjithë komandantët dhe zyrtarët e lartë brenda radhëve të saj, të cilët u martirizuan ditët e fundit si rezultat i agresionit izraelit në Liban.
Gjeneral brigade Ahmad Vahidi tha të dielën se ai ishte informuar se figura të reja të Hezbollahut, kishin zëvendësuar komandantët e vrarë nga Izraeli.
“Si një burim i informuar, insistoj se nuk ka vend bosh në strukturën udhëheqëse të Hezbollahut dhe të gjithë komandantët dëshmorë janë zëvendësuar nga komandantë të tjerë”, tha Vahidi.
Ai gjithashtu hodhi poshtë si të pamend nocionin se lëvizja libaneze e rezistencës Hezbollah kishte humbur armët e saj strategjike për shkak të sulmeve të vazhdueshme të regjimit izraelit ndaj Libanit në ditët e fundit.
Gjenerali i lartë tha se arsenali i armëve strategjike të Hezbollahut ka mbetur i paprekur nga sulmet e fundit të Izraelit ndaj grupit dhe udhëheqjes së tij.
“Edhe individët më budallenj brenda entitetit sionist e pranojnë këtë”, tha Vahidi, duke shtuar se asnjë nga armët strategjike të Hezbollahut nuk ishte eliminuar nga Izraeli.
Ai i përshkroi raporte të tilla si një taktikë të luftës psikologjike të përdorur nga Izraeli, duke shtuar se regjimi sionist do të përjetojë kushte të reja në të ardhmen pasi Hezbollahu të përdorë armët e tij strategjike.
