Ambasadorja e Zvicrës: Niveli i mjekësisë në Iran, për t'u lavdëruar

ParsToday - Ministri i Shëndetësisë i Iranit mirëpriti zgjerimin e bashkëpunimit të përbashkët me Zvicrën në fushën e shkencave mjekësore.

Muhamed Reza Zafarghandi, ministri i Shëndetësisë së Iranit, në një takim me ambasadoren zvicerane Nadine Olivieri Lozano në Teheran, vuri në dukje zgjerimin e gjerë të bashkëpunimit midis dy vendeve dhe deklaroi: "Që nga e kaluara ka pasur marrëdhënie shkencore dhe akademike midis Iranit dhe Zvicrës, dhe të dyja vendet mund të kenë bashkëpunim të përbashkët në fushën e shkencave mjekësore, si dhe në zhvillimin e konferencave shkencore dhe webinareve".

Sipas ParsToday, ministri iranian i Shëndetësisë më tej, e konsideroi krijimin e një tryeze të përbashkët pune midis Iranit dhe Zvicrës si të nevojshme për të diskutuar në nivel të ekspertëve dhe për heqjen e pengesave në rrugën e bashkëpunimeve dhe shtoi: "Irani propozon që komisioni i dytë ekonomik i dy vendeve kësaj radhe të mbahet në Teheran dhe në këtë takim të shqyrtohen çështjet teknike dhe ekzekutive".

Nadine Olivieri Lozano, ambasadorja e Zvicrës në Teheran, po ashtu në këtë takim vuri në dukje se operacioni i saj në shpatull është kryer në Zvicër nga një mjek iranian dhe deklaroi: “Okulistja ime është iraniane dhe ne kemi mjekë iranianë shumë të aftë në fusha të ndryshme dhe ne dëshirojmë të promovojmë marrëdhënie shkencore në këtë fushë me Iranin".

Duke vlerësuar përparimin e Iranit në fushën e shkencave mjekësore, znj. Lozano shtoi: “Niveli dhe cilësia e universiteteve të shkencave mjekësore dhe të fushave të mjekësisë në Iran është shumë e admirueshme, dhe mjekët iranianë në Zvicër janë gjithashtu shumë të suksesshëm dhe bashkëpunimi me ta do të të jetë një nga boshtet e zhvillimit të marrëdhënieve shkencore midis dy vendeve”.

Ambasadorja e Zvicrës në Teheran njoftoi gjithashtu interesimin e Zvicrës për zhvillimin e bashkëpunimit në fushën e mjekësisë dhe shëndetësisë me Iranin dhe tha: "Zgjidhja e sfidave me të cilat përballen kompanitë zvicerane në Iran mund të lehtësojë aksesin e njerëzve në produkte me cilësi të lartë".