Ghalibaf: Kushdo që është gati për luftë, mund të negociojë me Amerikën

ParsToday - Kryetari i Parlamentit Islamik të Iranit deklaroi në një takim me kryetarin e Asamblesë Popullore të Indonezisë: "Ne e njohim popullin indonezian si një komb udhëheqës në frymën e anti-arrogancës dhe luftës kundër regjimit sionist".

Sipas ParsToday, duke cituar IRNA-n, Mohammad Bagher Ghalibaf, kryetari i Parlamentit Islamik të Iranit, të premten në mbrëmje në një takim me Ahmad Mozani, kryetarin e Asamblesë Popullore të Indonezisë, tha: "Ne kurrë nuk kemi kërkuar luftë, por logjika e Kur'anit na ka dhënë detyrën të rezistojmë dhe të mos i dorëzohemi tiranit, dhe për këtë arsye kombi iranian nuk do t'i dorëzohet kurrë fuqive hegjemoniste".

Ghalibaf duke deklaruar se fuqia e Revolucionit Islamik është logjika e tij që lindi dhe rrjedh nga kultura e Kur'anit, shtoi: "Para luftës së fundit, Amerika, regjimi sionist dhe NATO menduan se mund ta detyronin Iranin të dorëzohej në më pak se disa ditë, por shpejt e kuptuan se nuk do t'i arrinin qëllimet e tyre dhe bota pa se ata dështuan të arrinin qëllimet e tyre kundër Iranit".

Kryetari i Parlamentit Islamik të Iranit theksoi humbjen e hegjemonisë amerikane në luftën e fundit nga kombi iranian, duke shtuar: "Presionet ekonomike, politike dhe mediatike që u ushtruan mbi Amerikën dhe regjimin sionist i bënë ata të dëshpëruar, dhe kjo është arsyeja pse amerikanët kërkuan armëpushim".

Duke deklaruar se nuk u besojmë amerikanëve, Ghalibaf tha: "Gjatë negociatave, ia bëra të qartë zëvendëspresidentit të SHBA-së se nuk ju besojmë. Sipas mendimit tim, vetëm ata që janë të gatshëm për luftë, mund të negociojnë me SHBA-në".

Ai shtoi: "Prandaj, ne nuk kemi ndaluar kurrë së përgatituri për të mbrojtur vendin tonë, dhe sa herë që amerikanët e tradhtojnë mirëkuptimin, ne jemi të gatshëm për mbrojtje në shkallë të plotë dhe do të qëndrojmë fuqishëm kundër tyre dhe do të mbrojmë të drejtat e popullit iranian".

Duke iu referuar presioneve ekonomike mbi Shtetet e Bashkuara të Amerikës si rezultat i luftës së fundit dhe problemeve të situatës së brendshme politike të vendit, Ghalibaf tha: "Ata e kanë provuar fuqinë dhe gatishmërinë ushtarake të Iranit dhe e dinë se ne nuk do të heqim dorë nga të drejtat tona përball Amerikës".

Ai theksoi gjithashtu: "Sigurisht, përfundimi i luftës është një përparësi për vendet e botës, por të gjithë duhet ta dinë se ky konflikt nuk do të përfundojë kurrë me dorëzimin e Iranit".

Ghalibaf vuri në dukje: "Unë besoj se kombet dhe vendet myslimane duhet të kuptojnë se duhet të qëndrojnë kundër Amerikës dhe regjimit sionist, dhe përvoja e Republikës Islamike të Iranit ka treguar se suksesi mund të arrihet në këtë rrugë".

Kryetari i Parlamentit Islamik të Iranit theksoi gjithashtu zhvillimin ekonomik dhe politik dhe bashkëpunimin kulturor midis Iranit dhe Indonezisë, duke bërë thirrje për promovimin e komunikimeve midis dy vendeve, veçanërisht në sferën parlamentare, për të lehtësuar zhvillimin e marrëdhënieve midis dy vendeve.

Gjatë takimit, Ahmad Mozani, kryetar i Asamblesë Popullore të Indonezisë, deklaroi se Indonezia mirëpriti përpjekjet për t'i dhënë fund luftës midis Iranit dhe Shteteve të Bashkuara të Amerikës dhe tha: "Ne besojmë se populli fisnik i Iranit po kërkon të vendosë paqe dhe mendoj se përpjekjet e juaja mund të çojnë në paqe".

Kërkoni video, na ndiqni: https://t.me/ParsTodayshqip