Nikzad: Armiku duhet të pranojë rendin e ri rajonal

Pars Today – Zëvendëskryetari i Parlamentit të Republikës Islamike të Iranit, duke theksuar se Ngushtica e Hormuzit nuk do të rikthehet në kushtet e periudhës para luftës, tha: “Sot, armiku amerikano-sionist, përmes goditjes së fuqishme të forcave të armatosura iraniane, e ka kuptuar praktikisht se rihapja e Ngushticës së Hormuzit nuk ka zgjidhje ushtarake dhe se duhet t’i nënshtrohet rendit të ri rajonal.”

Sipas Pars Today, duke cituar agjencinë e lajmeve IRNA, Ali Nikzad, zëvendëskryetari i Parlamentit të Republikës Islamike të Iranit, në seancën publike të së hënës deklaroi: “Republika Islamike e Iranit u përpoq që gjatë ditëve të luftës, përmes dialogut dhe duke i bërë të qarta realitetet në terren, ta ndërgjegjësonte armikun agresor dhe të mashtruar për këtë realitet se "Ngushtica e Hormuzit nuk do të rikthehet në kushtet e periudhës para luftës". Për fat të keq, ata u përpoqën të bëheshin sikur nuk e dinin këtë, por kalimi i kohës është mësuesi më i madh për njerëzit e mashtruar dhe sot armiku amerikano-sionist, përmes goditjes së fuqishme të forcave të armatosura, e ka kuptuar praktikisht se rihapja e Ngushticës së Hormuzit nuk ka zgjidhje ushtarake dhe se duhet t’i nënshtrohet rendit të ri rajonal.”

Nikzadi theksoi: “Republika Islamike e Iranit, ashtu siç ka theksuar në negociatat me qeverinë mike dhe fqinje të Omanit, nuk njeh asnjë rrugë tjetër përveç rrugës së dakordësuar nga të dyja vendet dhe rruga e përcaktuar nga forcat e fuqishme të armatosura të Republikës Islamike të Iranit është e vetmja rrugë e mundshme për kalimin e anijeve, dhe kjo vetëm nëse plotësohen kushtet e përcaktuara nga qeveria e Republikës Islamike të Iranit.”

 (Kërkoni video, na ndiqni: https://t.me/ParsTodayshqip)