Irano-amerikania që u bë zëdhënëse e DASH

Një irano-amerikane zëvendësoi Alain Eire në postin e zëdhënësit në gjuhën perse të Departamentit Amerikan të Shtetit.

Sahar Noruz Zade aktualisht punon në DASH dhe është anëtare e bordit politik të vendimeve për Iranin dhe për çështjet e zbatimit të marrëveshjes bërthamore. Ajo bëhet irano-amerikania e parë që emërohet në postin e zëdhënësit në gjuhën perse të Departamentit Amerikan të Shtetit. Në një intervistë për radion Zëri i Amerikës, Sahar Noruz Zade e pyetur mbi kanalin e komunikimit mes ministrave të jashtëm të RII dhe SHBA, tha se qeveria amerikane është e gatshme të hapë kanale të reja komunikimi me Iranin.