Kryeministri i Algjerisë viziton Teheranin

Abdulmalek Salal, kryeministri i Algjerisë në muajin dhjetor do të vizitojë Teheranin për të hapur javën kulturore algjeriane në Iran.

Agjencia e lajmeve IRNA njoftoi se kryeministri i Algjerisë të mërkurën në mbrëmje në shoqërim të Izudin Mejhubi, ministri i kulturës së Algjerisë, ka vizituar pavijonin e Iranin në panairin e librit në Algjeri  dhe ka biseduar me përgjegjësit iranianë. Amir Musavi, konsulli kulturor i ambasadës së Iranit në Algjeri deklaroi se Abdulmalek Salal me këtë rast ka premtuar se do të marrë pjesë në hapjen e javës kulturore të Algjerisë në Teheran. Vlen të theksohet se java kulturore e Algjerisë në Teheran zhvillohet në fillim të muajit dhjetor.