Irani kurrë nuk ka kërkuar takim me Trump!
Zëdhënësi i Ministrisë së Punëve të Jashtme të Iranit ka hedhur poshtë pretendimet e Nikki Haley, përfaqësueses së Amerikës në OKB, për gjoja se Irani ka paraqitur një kërkesë për takim me presidentin e Amerikës gjatë mbledhjes së Asamblesë së Përgjithshme të OKB dhe pretendime të tilla i ka quajtur qesharake.
Agjencia e lajmeve IRIB njoftoi se Bahram Kasemi, zëdhënësi i Ministrisë së Jashtme të iranit, të premten deklaroi: “Deklarata të tilla janë vetëm spekulime të mediave të projektuara në kuadër të propagandës psikologjike dhe plotësisht janë të njohura për Iranin”.
Kasemi ka theksuar: “Nga ana e Republikës Islamike të Iranit kurrë nuk është paraqitur ndonjë kërkesë për takim me Donald Trump, presidentin e Amerikës. Autoritetet e Republikës Islamike të Iranit përkundër kësaj kanë refuzuar shumë herë propozimet e Amerikës për zhvillimin e negociatave me Iranin”.
