Irani, viktima më e madhe e armëve kimike
Ministri i mbrojtjes së Republikës Islamike të Iranit deklaroi se populli i Iranit është një prej viktimave më të mëdha të luftërave të pandershme dhe përdorimit të armëve kimike, armëve të ndaluara dhe llojeve të ndryshme të minave dhe bombave.
Agjencia e lajmeve IRIB njoftoi se gjeneral Amir Hatami, ministri i mbrojtjes së Iranit, sot në mëngjes në ceremoninë e mbylljes së kongresit të katërt për mjekësi ushtarake në Azi dhe Oqeani që u zhvilluar këtyre ditëve në Teheran, deklaroi: "Gjatë viteve të Mbrojtjes së Lavdishme, regjimi i ish-diktatorit irakian Sadam Husejn, mbi 570 herë ka kryer sulme me armë kimike kundër Iranit, mirëpo organizatat ndërkombëtare nuk kanë mbajtur as mbledhje për dënimin e veprimeve të tilla çnjerëzore".
Gjeneral Hatami duke theksuar përballjen me shtetet që ndjekin politika luftënxitëse, shtoi: "Bota ishte dëshmitare se si Irani tregoi qëllimin e tij të mirë në krizën e improvizuar atomike dhe pavarësisht sabotimeve dhe shkeljeve të zotimeve nga ana e Amerikës, është vetëpërmbajtur për arsye se Republika Islamike është shtete me përgjegjësi dhe kërkon paqe në botë".
Duk vë në dukje sanksionet e paligjshme të Amerikës kundër Iranit, gjeneral Hatami tha: "Amerika duke përdorur terrorizmin ekonomik, po krijon pengesa për vendet e tjera edhe në sigurimin e medikamenteve dhe nevojave elementare njerëzore".
Gjeneral Hatami shtoi: "Irani ka eksperiencë të madhe në fushën e kurimit të personave të plagosur me armë kimike dhe është i gatshëm të bartë këtë eksperiencë te vendet e tjera të interesuara".
