Ministri i punëve të jashtme të Anglisë nesër viziton Teheranin

Ministri i punëve të jashtme të Anglisë nesër (të hënën) do të arrijë për një vizitë zyrtare në Iran për t'u takuar me autoritetet e larta të Iranit.

Agjencia e lajmeve IRIB njoftoi se Jeremy Hunt, ministri i punëve të jashtme të Anglisë, gjatë vizitës në Teheran, do të takohet me Muhamed Xhavad Zarif, ministrin e punëve të jashtme të Iranit dhe me Ali Shamkhani, sekretarin e Këshillit të Lartë për Siguri Kombëtare të Republikës Islamike të Iranit, me të cilët do të bisedojë në lidhje me çështjet më të rëndësishme bilaterale, rajonale dhe ndërkombëtare.

Kjo do të jetë vizita e parë e Jeremy Hunt në Teheran në postin e ministrit të punëve të jashtme të Anglisë.