Moska: Misioni i SHBA në Gjirin Persik synon Iranin

Rusia theksoi se një mision i propozuar nga SHBA për të ndihmuar sigurinë në ngushticën e Hormuzit është një pretekst për Uashingtonin që të bëjë presion të mëtejshëm ndaj Teheranit dhe të destabilizojë rajonin e Gjirit Persik.

Duke folur në një konferencë shtypi në Moskë të enjten, zëdhënësja e Ministrisë së Jashtme ruse Maria Zakharova tha: "Ngjarjet në rajonin e Gjirit Persik janë me të vërtetë duke lëvizur në një pikë të rrezikshme dhe ekzistojnë rreziqe për një përplasje ushtarake në shkallë të gjerë." Ajo gjithashtu vuri në dukje se Rusia beson se SHBA thjesht po kërkon një "pretekst për të përshkallëzuar situatën, të vazhdojë retorikën e saj agresive ndaj Iranit dhe të zhvendoset në një fazë më të nxehtë e më aktive të konfliktit". Veprimi i SHBA për të ngritur një forcë ndërkombëtare patrullimi detar në Ngushticën e Hormuzit duket si "një përpjekje tjetër për të bërë presion"  ndaj Republikës Islamike, tha Zakharova. Irani ka refuzuar çdo prani të huaj ushtarake në rajon, duke theksuar se vetëm vendet e rajonit duhet të garantojnë sigurinë e tij.