Lideri Suprem: Të rinjtë iranianë duhet të zgjerojnë kufijtë e shkencës

Lideri Suprem i Revolucionit Islamik priti mëngjesin e të mërkurës laureatët e Olimpiadave Ndërkombëtare të Shkencave dhe Ekipin Kombëtar të Volejbollit nën 21 vjet, që u shpall kampion i botës.

Gjatë këtij takimi, Ajetollah Khamenei vlerësoi rininë iraniane për "mençurinë" e saj, "vizionin e saj të thellë" dhe theksoi: "Përparimi shkencor, në kuptimin e vërtetë të fjalës, do të realizohet vetëm nëse kombinohet me mendimin fetar dhe impulsin revolucionar. Elita jonë e re duhet të vendosë një qëllim të vetëm: të zgjerojë sa më shumë që të jetë e mundur kufijtë e njohurive të saj shkencore dhe teknologjike ". Më tej në fjalën e tij, Lideri i Revolucionit Islamik përshëndeti arritjet e shkencëtarëve dhe sportistëve të rinj të vendit dhe pohoi: " rruga ku janë angazhuar elitat e të rinjve tanë është një rrugë që nuk njeh kufij. Fitimi i medaljeve nuk duhet të jetë një qëllim në vetvete. " Lideri Suprem i Revolucionit Islamik Ajetollah Khamenei theksoi se elitat e të rinjve iranianë duhet të ndihmojnë përparimin e statusit shkencor të Iranit dhe zgjerimin e kufijve të shkencës dhe teknologjisë në përgjithësi. "Përkundër të gjitha përpjekjeve të bëra që nga fitorja e Revolucionit Islamik, veçanërisht në 20 vitet e fundit, drejt përparimit të shkencës dhe teknologjisë në Iran, ne ende kemi shumë për të bërë. Dhe detyra kryesore  e elitës së gjeneratës së re është që - përveç mbajtjes së vrullit të lartë në sukseset shkencore - të zgjerojë kufijtë e shkencës dhe teknologjisë," tha Ajetollah Khamenei. Ai shtoi se elitat iraniane tani pritej jo thjesht të kërkonin sukses në garat shkencore, por edhe të zbulonin të panjohurat në fusha të tilla si nanoteknologjia. Ajetollah Khamenei gjithashtu vlerësoi ekipin iranian të volejbollit të të rinjve - i cili fitoi titullin e parë të kampionatit botëror në korrik - dhe tha se ai ishte gëzuar si nga vetë fitorja, ashtu edhe nga lumturia që i solli popullit iranian.