Rrëzimi i dronit amerikan neutralizoi operacionin psikologjik "Hija e luftës"

"Ne ishim shënjestra e një fushate masive psikologjike që pretendonte se do të fillonte një luftë kundër nesh, veçanërisht pasi shërbimet e inteligjencës të vendeve mike na thoshin se ne do të sulmoheshim, por e dinim që kjo nuk do të ndodhte", tha komandanti i përgjithshëm i Forcës Hapësinore të Korpusit të Rojeve të Revolucionit Islamik.

"Kur një aeroplan civil iranian që transportonte 290 pasagjerë u rrëzua nga raketat e Shteteve të Bashkuara mbi Gjirin Persik, Uashingtoni as nuk kërkoi falje; madje më vonë dekoroi kapitenin e anijes që kishte sulmuar këtë aeroplan. Por sot, ne kemi arritur një aftësi të tillë që forcat tona të hapësirës ajrore janë në gjendje të rrëzojnë dronin e sofistikuar U2 dhe amerikanët jo vetëm që nuk kanë reaguar kundër nesh , por ata na falënderuan që nuk qëlluam avionin P8 ", shtoi gjeneral Amir Ali Haxhizadeh. "Deri në muajt e fundit, shumë dyshuan në progresin tonë ushtarak, por sot të gjithë besojnë në kapacitetin e forcave tona," tha ai. Komandanti i përgjithshëm i Forcës Hapësinore të Korpusit të Rojeve të Revolucionit Islamik theksoi: "Spektri i luftës është zhdukur pas rrëzimit të dronit amerikan. Ne vendosëm të sulmojmë të gjitha bazat amerikane në Katar dhe Emiratet e Bashkuara Arabe dhe luftanijet e tyre në Detin e Omanit, sapo territori ynë të goditej nga një raketë ose një bombë nga Shtetet e Bashkuara. Ata e dinin që nëse do të përpiqeshin të na sulmonin, do të merrnin një përgjigje dërrmuese. Për herë të parë, bota e ka kuptuar që Shtetet e Bashkuara janë një tigër letre. Të gjitha këto arritje janë bërë të mundshme me rekomandimet e Liderit Suprem. Kjo metodë ka treguar që të gjitha problemet mund të zgjidhen dhe se problemet aktuale janë shkaktuar nga dominimi i disa funksionarëve pro-perëndimorë. "