Zarif: Lufta dhe embargo kundër Jemenit nuk kanë dobi

Ministri i jashtëm i Republikës Islamike të Iranit me një cicërim në gjuhën arabe pasi shprehu mbështetjen për rrugëzgjidhjet paqësore të krizës në Jemen, deklaroi se “ lufta dhe embargo” nuk kanë aspak dobi.

Irani e konsideron të padobishëm vazhdimin e luftës dhe embargos kundër Jemenit dhe mirëpret rrugëzgjidhjet paqësore ku të gjitha palët të jenë të angazhuar, ka deklaruar ministri i jashtëm Muhamed Xhavad Zarif. Më herët shefi i diplomacisë iraniane kishte propozuar një plan për vendosjen e paqes në Jemen. Plani përbëhet nga vendosja e armëpushimit, dërgimi i ndihmave humanitare, dialogu mes grupeve jemenase dhe formimi i një qeverie gjithëpërfshirëse. Arabia Saudite që nga marsi i vitit 2015 e deri më tani, me qëllim që të kthejë në pushtet Abdarabuh Mansur Hadin, presidentin e dorëhequr të Jemenit, ka filluar agresionin ushtarak kundër Jemenit. Arabia Saudite me gjithë shpenzimet e shumta dhe sulmet e pandërprera kundër Jemenit, nuk ka arritur akoma të realizojë asnjë prej qëllimeve të saj në Jemen.