Ambasadori britanik kthehet në Teheran, kërkon dialog Iran-Britani

Ambasadori i Britanisë në Iran Robert Macaire tha se është kthyer përsëri në Teheran, duke theksuar rëndësinë e mbajtjes së bisedimeve midis Iranit dhe Britanisë për të arritur përparim në çështje që janë të rëndësishme për të dy vendet.

"Kohët e fundit jam kthyer nga Londra në Teheran. Ishte një udhëtim i rëndësishëm që ishte planifikuar disa kohë më parë," tha Macaire në një video në Instagram të postuar të enjten në persisht. Ai shtoi se gjatë vizitës,  pati takime me Sekretarin e Shtetit të Britanisë për Çështjet e Jashtme, Dominic Raab dhe zyrtarë të tjerë të lartë dhe diskutoi mënyrat për të përparuar çështje që janë të rëndësishme për Iranin dhe Britaninë. Macaire tha më tej në videopostimin e tij se Britania dëshironte të bashkëpunonte me Iranin, Francën, Gjermaninë, Rusinë dhe Kinën si nënshkruesit e mbetur në marrëveshjen bërthamore të vitit 2015, pas tërheqjes së njëanshme të SHBA. Më 15 janar, ambasadori britanik ishte larguar nga Teherani për në Londër disa ditë pas ndalimit të tij të shkurtër për shkak të pjesëmarrjes në një tubim të paligjshëm në Teheran. Largimi i Macaire ka ndodhur me njoftim paraprak dhe bazuar në protokollin diplomatik. Zëvendësministri i Jashtëm i Iranit Abas Erakçi më vonë tha se Teherani e ka paralajmëruar ashpër ambasadorin britanik për pjesëmarrjen në një tubim "të paligjshëm" dhe e këshilloi atë që të shmangte një sjellje të tillë.