Ushtritë iraniane dhe amerikane janë të natyrës së ndryshme

Komandanti i Forcave Tokësore të Ushtrisë së Republikës Islamike të Iranit, gjeneral Kiomars Hejdari, në një konferencë për shtyp të Martën 14 Prill, paralelizoi ushtrinë iraniane dhe ushtrinë amerikane.

Gjeneral Hejdari shpjegoi: "Ushtria e Republikës Islamike të Iranit ndryshon në tre dimensione me ushtritë e tjera, veçanërisht me ushtrinë amerikane: së pari, ushtritë iraniane dhe amerikane janë të natyrës së ndryshme. Ushtria iraniane është e përbërë nga forca që janë formuar dhe janë udhëhequr sipas udhëzimeve të Islamit dhe parimeve hyjnore. Së dyti, forcat e armatosura iraniane janë nën komandën e përfaqësuesit të Imamit të Kohës. Por kush i drejton forcat e armatosura amerikane? Një njeri që është i njohur në botë për karakterin e tij të keq. Së treti, lloji i misioneve të ushtrisë iraniane ndryshon nga ai i ushtrisë së Shteteve të Bashkuara. Shikoni se çfarë po bën ushtria amerikane në Gjirin Persik! Misioni i saj është të shkatërrojë pavarësinë e vendeve ". Në lidhje me krizën e koronavirusit, Kiomars Hejdari tha se Forca Tokësore e Ushtrisë Iraniane ishte e gatshme të mobilizonte aftësitë e saj për të luftuar koronavirusin. "Ne madje jemi të gatshëm t'i transferojmë përvojat tona në këtë drejtim në vendet e tjera, nëse Komandanti i Përgjithshëm i Forcave të Armatosura e lejon atë," shtoi komandanti iranian. Ai më pas foli për rolin e ushtrisë amerikane në luftimin e koronavirusit: "Ushtria amerikane ka plackitur ngarkesa të vendeve të tjera në det," tha ai. Gjeneral Hejdari theksoi se amerikanët nuk ishin në gjendje as të mbronin ushtarët e tyre. "Një mijë anëtarë të ekuipazhit të aeroplanmbajtëses Roosevelt u infektuan me koronavirus dhe komandanti i kësaj aeroplanmbajtëse u shkarkua nga detyra menjëherë pas njoftimit të këtij lajmi," tha ai.