Eksportohet tapeti iranian me karakteristika anti-bakteriale

Një kompani e tekstilit të Iranit ka arritur me sukses të prodhojë tapete me lëndë NANO anti-bakteriale të cilat po i eksporton në vende të ndryshme evropiane, afrikane dhe aziatike.

Agjencia e lajmeve Fars njoftoi se një kompani iranian e tekstilit nga qyteti Kashan i provincës Esfahan të Iranit, në kuadër të hulumtimeve shkencore dhe lidhjeve të vazhdueshme me qendrat e hulumtimeve shkencore gjatë disa viteve të kaluara, tani ka arritur të prodhojë me sukses lloje të ndryshme të perit poliester anti-bakterial për ta shfrytëzuar atë në industrinë e tekstilit dhe në prodhimin e tapetave industriale anti-bakteriale duke shfrytëzuar teknologjinë NANO.

Tapetat e prodhuara me këtë pe, posedojnë karakteristika të veçanta anti-bakteriale dhe për shkak të shfrytëzimit të lëndëve NANO, reduktohet në masë shumë të madhe zhvillimi i baktereve të mykut në këtë lloj tapeti dhe ky produkt është shumë i shëndosh. Këto tapeta janë shumë të përshtatshme për fëmijët dhe personat e moshuar të cilët janë shumë të ndjeshëm ndaj ndotjes së ambientit.