Vritet lideri i terroristëve të ISIS në Anbar të Irakut
Një burim i sigurisë irakiane njoftoi vdekjen e një lideri të elementeve të ISIS-it në provincën Anbar, në perëndim të Irakut.
Në dhjetor 2017, pas gati tre vjet e gjysmë luftimesh me ISIS-in, i cili pushtoi rreth një të tretën e vendit, Iraku shpalli çlirimin e të gjitha territoreve të tij nga pushtimi i këtij grupi terrorist, por elementët e mbetur të ISIS-it janë ende në disa pjesë të Bagdadit, Salah al-Din, Diala, Kirkuk, Ninava dhe Anbar. Sipas agjencisë së lajmeve Al-Maluma, Muthanna Khedr Kamal, një udhëheqës i lartë i ISIS-it me nofkën guvernatori i Anbarit dhe një nga ndihmësit e tij u vranë në një sulm ajror nga forcat irakiane në provincën perëndimore të Anbarit. Dy ditë më parë, Komanda e Policisë Federale të Irakut lëshoi një deklaratë ku njoftoi arrestimin e 20 elementëve takfiristë të ISIS në provincat e Bagdadit dhe Anbarit, duke thënë se terroristët e arrestuar ishin në kërkim. Dy javë më parë, Jahya Rassoul, zëdhënës i komandantit të përgjithshëm të Forcave të Armatosura të Irakut, njoftoi fillimin e operacionit të ushtrisë irakiane kundër elementëve terroristë. Forcat Ajrore të Irakut po kryejnë këtë operacion të ri special kundër grupit terrorist ISIS në provincat perëndimore dhe veriore të vendit. Forcat irakiane të sigurisë po kërkojnë, pastrojnë dhe ndjekin vazhdimisht mbetjet e terroristëve të ISIS në të gjithë vendin për të siguruar që ISIS dhe elementët e tij të arratisur të mos ri-infiltrohen dhe rikthehen.
