Fillon procesi i zgjedhjeve parlamentare në Liban

Zgjedhjet parlamentare në Liban nisën sot, me 718 kandidatë që konkurrojnë për 128 vende në parlament.

 Këto janë zgjedhjet e para parlamentare që nga shpërthimi në Bejrut dhe protestat popullore të vitit 2019. Sipas rrjetit Al-Manar, numri i votuesve me të drejtë vote në këtë periudhë të zgjedhjeve libaneze është 3,967,507, nga të cilët 1,361,546 janë të krishterë dhe 2,584,993 janë myslimanë. Në zgjedhjet parlamentare të këtij viti në Liban, 718 persona do të konkurrojnë në 103 lista për 128 vende parlamentare në 15 zona zgjedhore. Zgjedhjet do të mbahen nën mbikëqyrje të brendshme dhe të jashtme dhe do të marrin pjesë rreth 300 vëzhgues nga Bashkimi Evropian, si dhe vëzhgues nga Liga Arabe dhe Organizata Ndërkombëtare. Presidenti libanez Michel Aoun të shtunën, në prag të zgjedhjeve parlamentare libaneze, iu drejtua popullit libanez dhe i ftoi ata të marrin pjesë masivisht në zgjedhje, duke thënë: Libani nuk është një vend i falimentuar, por një vend i grabitur, paratë e të cilit janë transferuar jashtë dhe deputetët e parlamentit kanë për detyrë të mbrojnë njerëzit dhe t'i kthejnë paratë e tyre (të grabitura). Presidenti libanez gjithashtu theksoi: Nuk do të lejoj kurrë që të cenohet sovraniteti dhe integriteti territorial i vendit.