Nasrallah: Rezistenca arriti fitore të madhe në zgjedhjet parlamentare libaneze

Sekretari i përgjithshëm i lëvizjes së rezistencës libaneze Hezbollah deklaroi se votimi parlamentar i së dielës ishte një betejë kundër kësaj lëvizjeje dhe rezistenca arriti "fitore të madhe" në këto zgjedhje.

Në fjalën e tij të mërkurën vonë, Sejed Hasan Nasrallah tha se pjesëmarrja e madhe dhe rezultati i zgjedhjeve përcolli një mesazh të aderimit dhe angazhimit të popullit ndaj rezistencës. Ai tha se mbështetja e madhe për Hezbollahun dhe aleatët e tij në zgjedhje tregoi përkushtimin e njerëzve në rrugën e rezistencës. Nasrallah tha se pas vitesh fushate agresive të udhëhequr nga amerikanët që synonte rezistencën, numri i votave dhe anëtarëve të parlamentit ishte rritur për Hezbollahun dhe aleatët e tij në Liban. Kreu i Hezbollahut tha më tej se në kundërshtim me pretendimet, nuk ka asnjë bllok të vetëm në parlament që mund të pretendonte shumicën në zgjedhje, duke shtuar se asnjë nga partitë e ndershme politike nuk e bëri këtë pretendim. Avantazhi i mungesës së një partie apo grupi të vetëm që zotëron shumicën në parlament, pohoi ai, është fakti se kjo i bën të gjithë njëlloj përgjegjës. Sejed Hasan Nasrallah më tej tha se natyra e krizës në Liban nuk lejon që një grup i vetëm ta zgjidhë krizën i vetëm edhe nëse do të kishte shumicën. "Kjo kërkon bashkëpunim mes të gjitha grupeve. Rezultatet e zgjedhjeve mund të jenë të dobishme për popullin libanez", shtoi kreu i Hezbollahut.