"Kupola e hekurt" e paaftë për t'i rezistuar raketave precize

Ish-gjenerali i regjimit sionist pranoi se sistemi i mbrojtjes i njohur si “Iron Dome” i regjimit sionist nuk mund të përballet me raketat precize të boshtit të rezistencës, përfshirë raketat balistike.

Yossi Langotzky, një gjeneral në pension i regjimit sionist, në një artikull në gazetën izraelite "Maariv" , diskutoi skenarin me të cilin përballet Tel Avivi në një luftë të mundshme të ardhshme dhe shkroi se, bazuar në këtë skenar, regjimi sionist do të përballet me 200,000 kërcënime ajrore dhe thellësitë e territoreve të pushtuara mund të goditen nga dy mijë raketa çdo ditë.
Duke vënë në dukje se objektet strategjike dhe forcat e ushtrisë izraelite do të jenë gjithashtu në shënjestër të sulmeve, Yossi Langotzky shtoi: "Mijëra raketa shumë të shpejta, me fuqi të lartë dhe të drejtuara me precizitet të lartë do të godasin çdo objektiv dhe probabiliteti i gabimit të tyre do të jetë vetëm pesë metra."
Gjenerali në pension i regjimit sionist deklaroi se këto raketa janë të pajisura edhe me koka shpërthyese dhe shkatërruese dhe secila prej tyre përmban gjysmë ton eksploziv.
Yossi Langotzky deklaroi se sistemi i mbrojtjes ajrore "Kupola e Hekurt" mund të mbulojë vetëm një pjesë të vogël dhe ky kërcënim, nëse zbatohet, do t'i japë një goditje strategjike serioze dhe të rrezikshme regjimit sionist".
Në betejat e mëparshme të rezistencës palestineze kundër agresionit të regjimit sionist, si beteja "Shpata e Kodsit", paefektshmëria e sistemeve antiraketë të "Kupolës së Hekurt" të regjimit sionist përballë intensitetit të zjarrit dhe lëshimit të njëpasnjëshme të raketave nga rezistenca palestineze, ishte më e dukshme.