Çështja e tërheqjes së trupave amerikane nga Iraku trajtohet sërish

Përfaqësuesi i popullit të provincës së Basrës në parlamentin irakian theksoi domosdoshmërinë e dëbimit të ushtarëve amerikanë nga ky vend.

Faleh Al-Khazali, përfaqësuesi i popullit të provincës së Basrës në Parlamentin irakian, theksoi domosdoshmërinë e dëbimit të ushtarëve amerikanë nga ky vend dhe tha se Shtetet e Bashkuara i dhanë armë dhe municion grupit terrorist ISIS në luftën e tyre kundër irakianëve. Al-Khazali deklaroi se "Fetvaja historike e Ajetollah Ali Sistani, autoriteti suprem fetar i Irakut, e ktheu humbjen në fitore dhe shtoi: Me fetvanë e shenjtë dhe me praninë e gjenerallejtënant Haxh Kasem Sulejmani, komandant i Forcave Kods të IRGC-së dhe dëshmorit Abu Mahdi Al-Muhandis, ish-kreut të organizatës Hashd Shaabi të Irakut, u pengua ndarja e këtij vendi. Mohammad Al-Tamimi, një nga liderët e Koalicionit Kornizë të Koordinimit të Irakut, gjithashtu tha se vendimi për tërheqjen e forcave amerikane nga vendi, i marrë nga parlamenti, nuk mund të ndryshohet dhe qeveria duhet ta zbatojë atë për të parandaluar hyrjen e Irakut në luftë kundër pushtuesve amerikanë.