Sulmohen bazat kufitare të regjimit sionist nga Hezbollahu

Si kundërpërgjigje ndaj sulmeve të regjimit sionist, luftëtarët e Hezbollahut libanez shënjestruan pesë baza kufitare sioniste.

Gjithashtu, burimet e lajmeve raportuan se komandanti i batalionit të 75-të izraelit u vra pranë kufirit me Libanin. Burime në gjuhën hebraike raportuan se komandanti i batalionit të 75-të të Izraelit u vra si pasojë e sulmit të Hezbollahut ndaj tankeve të këtij regjimi pranë kufirit me Libanin. Në lajme të tjera, ushtria izraelite pranoi se një oficer izraelit u vra dje në kufirin libanez në sulmin e Hezbollahut me raketa Cornet ndaj tankeve të këtij regjimi. Nga ana tjetër, ushtria sioniste njoftoi se 291 oficerë dhe ushtarë kanë vdekur që nga fillimi i përleshjeve. Konflikti në kufijtë e Libanit vazhdon dhe ushtria e regjimit izraelit të dielën në mbrëmje njoftoi se ka bombarduar edhe një herë bazat ushtarake të Hezbollahut në Liban. Pas agresionit të regjimit sionist, Hezbollahu i Libanit njoftoi shtimin e konflikteve me regjimin sionist dhe sulmin ndaj pesë bazave të këtij regjimi. Hezbollahu i Libanit njoftoi se forcat e tij sulmuan 5 baza dhe shtabe të armikut sionist në vijën kufitare, të cilat janë në Jal-ul-Alam, Baraka Risha, Ramya, Al-Manara dhe Al-Abad. Hezbollahu më parë kishte njoftuar një sulm ndaj selisë ushtarake sioniste në Hanita, që rezultoi me vdekjen e disa ushtarëve izraelitë.