Hezbollahu i Libanit sulmoi 3 baza të ushtrisë sioniste
Hezbollahu i Libanit njoftoi se forcat e rezistencës islame, duke përdorur artileri dhe armë të përshtatshme, shënjestruan pozicionet e ushtrisë sioniste në tre baza në veri të territoreve të pushtuara palestineze.
Hezbollahu i Libanit me anë të një deklarate njoftoi se luftëtarët e rezistencës islame shënjestruan sot me sulmet e tyre me artileri bazat "Risha" dhe "Al-Jardah" dhe objektivat u goditën me sukses.
Rezistenca libaneze njoftoi gjithashtu se pasditen e së shtunës shënjestroi edhe bazën "Al-Abad" me raketa të dirigjuara dhe armë të përshtatshme. Rrjeti Al-Jazeera gjithashtu raportoi se Hezbollahu i Libanit gjuajti një raketë në pozicionin ushtarak "Al-Marj" të regjimit sionist në afërsi të zonës kufitare Merkaba të Libanit jugor. Hezbollahu i Libanit lëshoi gjithashtu një raketë të dirigjuar drejt pozicionit ushtarak sionist "Al-Abad" rreth qytetit "Houla".
Sirenat e alarmit kanë rënë edhe në qytetet "Maksaf Am", "Margliyot" dhe "Arab Armsha" në veri të Palestinës së pushtuar.
Agjencitë e lajmeve raportojnë gjithashtu se një raketë goditi vendin e grumbullimit të ushtrisë sioniste në zonën “Arab Armsha” përballë qytetit “Al-Zahira”. Këto sulme u kryen pasi agjencia libaneze e lajmeve njoftoi pasditen e sotme se njësia e artilerisë së regjimit sionist kishte kryer sulme në zonat e Libanit jugor.
Ushtria izraelite gjuajti më shumë se 20 predha artilerie në periferi të zonës Al-Labuneh dhe në qytetin Ulama al-Shaab në Libanin jugor. Në të njëjtën kohë, Al Jazeera njoftoi se një dron izraelit goditi lartësitë e Jebel Safi në veri të lumit Al-Litani të Libanit.
Ky kanal raportoi gjithashtu se ushtria sioniste hodhi bomba ndezëse në zonën "Jalul Alam".
