Martirizohen katër anëtarë të Hezbollahut libanez në sulmin e regjimit sionist
Hezbollahu libanez konfirmoi martirizimin e katër anëtarëve të tij në sulmin e regjimit sionist në jug të Libanit.
Sipas IRNA, Hezbollahu njoftoi se "Abd al-Xhelil Ali Hamzah", "Hussein Ahmed Jahya", "Mousa Hasan Shit" dhe "Xhihad Musa Shit" u martirizuan të gjithë gjatë rrugës për në Kods. Mediat e lajmeve raportuan se avionët e regjimit sionist kanë shënjestruar me dy raketa fshatin Al-Naqourah në jug të Libanit. Nga ana tjetër, rrjeti al-Mayadeen raportoi se një dron sionist ka bombarduar rajonin "Al-Labune" në jug të Libanit. Këto sulme ndodhën disa orë pasi Hezbollahu i Libanit shënjestroi tre baza ushtarake të sionistëve pushtues në veri të Palestinës. Më parë, “Naeem Qassem”, zëvendëssekretari i përgjithshëm i Hezbollahut, ka theksuar se duart e sionistëve janë bosh kundrejt forcave të rezistencës dhe ka theksuar se rezistenca islame e Libanit synon të mbetet në gjendje lufte me pushtuesit sionistë. Çdo ditë pas stuhisë Al-Aksa, në mbështetje të kombit palestinez, Hezbollahu libanez me mortaja, raketa dhe sulme artilerie ka vënë në shënjestër vendbanimet sioniste dhe qendrat e ushtrisë sioniste. Me sulmet e kryera nga Hezbollahu dhe rezistenca palestineze mbi vendbanimet sioniste, shumica e vendbanimeve të vendosura në veri të Palestinës së pushtuar janë evakuuar.
