Rezistenca irakiane sulmon me raketa Palestinën e pushtuar
Rezistenca islamike e Irakut sulmoi me raketa disa objektiva në territoret e pushtuara palestineze.
Sipas rrjetit al-Mayadeen, rezistenca islamike e Irakut njoftoi se ky sulm me raketa goditi disa objektiva në territoret e pushtuara. Në të njëjtën kohë, ushtria sioniste pretendoi se kishte kapur disa raketa mbi Lartësitë e pushtuara të Golanit, të cilat lëviznin nga Iraku për në tokat e pushtuara. Rezistenca Islamike e Irakut të dielën e kaluar njoftoi për një sulm me dron në qytetin "Haifa" që ndodhet në Palestinën e pushtuar. Në operacionet e kaluara në territoret e pushtuara, Rezistenca Islamike irakiane kishte paralajmëruar se nëse sulmet e regjimit sionist në Rripin e Gazës vazhdojnë, ajo do të intensifikojë operacionet kundër pozicioneve të këtij regjimi. Gjatë operacioneve të ndryshme në territoret e pushtuara, ky grup ka theksuar gjithmonë rolin e tij në mbështetje të popullit të Gazës dhe intensifikimin e sulmeve kundër pushtuesve.