Sulm me dron i Rezistencës irakiane në portin Eilat

Rezistenca Islamike e Irakut njoftoi për një sulm me dron në portin e pushtuar Eilat.

Sipas agjencisë iraniane të lajmeve IRNA, Rezistenca Islamike e Irakut, përmes një komunikate njoftoi se luftëtarët e këtij grupi, në përgjigje të krimeve të vazhdueshme të regjimit sionist në vrasjen e civilëve dhe në mbështetje të popullit të Gazës e të Libanit, sot (e diel) sulmuan me disa dronë kamikazë një objektiv të rëndësishëm dhe jetik në portin Umm Al-Rashrash (Eilat).

Në këtë deklaratë, Rezistenca Islamike e Irakut theksoi shkatërrimin e pozicioneve të armikut me një tendencë në rritje.

Të shtunën në mbrëmje Rezistenca Islamike e Irakut sulmoi një tjetër objektiv jetik në Tel Aviv.

Në operacionet e kaluara në territoret e pushtuara, Rezistenca Islamike e Irakut kishte paralajmëruar se nëse regjimi sionist do të vazhdonte sulmet në Rripin e Gazës, ky grup do të intensifikonte operacionet kundër pozicioneve të këtij regjimi.

Gjatë kryerjes së operacioneve të ndryshme në territoret e pushtuara, ky grup ka theksuar gjithmonë rolin e tij në mbështetjen e popullit të Gazës dhe intensifikimin e sulmeve kundër pushtuesve.