Hezbollahu sulmon bazat dhe qendrat ushtarake të Izraelit

Në deklaratën e tij të lëshuar sot , Hezbollahu i Libanit në sulmet e tij me raketa dhe artileri shënjestroi qendrat dhe bazat ushtarake të regjimit sionist në veri të Palestinës së pushtuar.

Sipas agjencisë së lajmeve Tasnim, Hezbollahu i Libanit në deklaratën e tij të mëngjesit njoftoi se me sulmet e tij shënjestroi vendin e grumbullimit të ushtarëve sionistë në vendbanimin sionist "Al-Malkiyya". Sipas deklaratës së Hezbollahut, baza "Filon" në rajonin Rosh Bina, e vendosur në lindje të qytetit të pushtuar Safad, si dhe vendndodhja e ushtrisë sioniste në rajonin "Jal al-Deir", e vendosur në verilindje të vendbanimi sionist "Oyivim" janë vënë në shënjestër të sulmeve me raketa të Hezbollahut.  Gjithashtu, mediat hebraike raportuan se shumë njerëz u plagosën pasi një dron shpërtheu në një ndërtesë në qytetin e Cezaresë, pranë shtëpisë së Netanyahut. Në vazhdim të operacioneve të rezistencës libaneze, dronët e rezistencës libaneze kanë depërtuar në hapësirën ajrore të Palestinës së pushtuar. Pas depërtimit të dronëve kanë rënë sirenat e alarmit ndërkohë që sistemet e mbrojtjes sioniste nuk kanë funksionuar. Channel 12 i regjimit sionist raportoi: Tre dronë depërtuan nga Libani drejt rajonit Nahariya dhe Acre dhe vetëm njëri prej tyre u kap.