Luftëtarët e Hamasit shkatërruan një helikopter Apache të regjimit sionist

Batalionet "Dëshmori Izzeddin Al-Kassam", krahu ushtarak i Lëvizjes së Rezistencës Islamike Hamas njoftuan për shkatërrimin e një helikopteri Apache të regjimit sionist nga luftëtarët e kësaj lëvizjeje.

Sipas raportit të orëve të para të mëngjesit të së enjtes të agjencisë iraniane të lajmeve IRNA, Lëvizja Hamas shkroi në faqen e saj në rrjetin social Telegram: "Luftëtarët e Batalioneve Izzeddin al-Kassam shënjestruan një helikopter Apache të regjimit izraelit me një raketë SAM-7 në perëndim të kampit Xhebalia, që ndodhet në veri të Rripit të Gazës."

Batalionet Al-Kassam njoftuan gjithashtu se në një operacion tjetër, një nga luftëtarët e Hamasit mundi të hedhë një granatë dore ndaj një grupi ushtarësh të regjimit sionist në lindje të kampit Xhebalia nga një distancë e afërt, si rezultat i së cilës u vranë dhe u plagosën një numër ushtarësh të regjimit sionist.

Më herët, Batalionet "Dëshmori Izzeddin al-Kassam", krahu ushtarak i Lëvizjes së Rezistencës Islamike Hamas, kishin publikuar të mërkurën një video në lidhje me shkatërrimin e një tanku Merkava të ushtrisë pushtuese, si dhe rrëzimin e një droni "Evo Max" të forcave okupuese në zonën "Kampi i Ri" në veri të kampit al-Nuseirat, në qendër të Rripit të Gazës.