Cili është qëllimi i vërtetë i regjimit sionist në rajon?

Pars Today - Përfaqësuesi i Xhihadit Islamik të Palestinë theksoi rolin e solidaritetit të popullit iranian dhe njoftoi se ky solidaritet pengoi skenarin destabilizues të Shteteve të Bashkuara të Amerikës dhe Izraelit.

Përfaqësuesi i Lëvizjes Palestineze "Xhihadi Islamik" në Liban theksoi se uniteti dhe solidariteti i popullit iranian me udhëheqjen e vet ishte faktori kryesor në dështimin e skenarit të Amerikës dhe regjimit sionist për të krijuar paqëndrueshmëri të brendshme në Iran.

Sipas Pars Today, në një intervistë me rrjetin televiziv të lajmeve "Al-Alam", Mahfouz Munawwar, duke iu referuar kushteve të ndjeshme në rajon, theksoi domosdoshmërinë e solidaritetit midis lëvizjeve të Rezistencës dhe Republikës Islamike të Iranit dhe tha: "Mbështetja për Iranin është mbështetje për të gjitha forcat që kundërshtojnë planet e përbashkëta të Amerikës dhe Izraelit".

Duke deklaruar se qëllimi përfundimtar i Izraelit nuk kufizohet vetëm në një vend apo rajon, ai shtoi: "Ne kishim paralajmëruar më herët se çdo konflikt i drejtpërdrejtë mund të fillojë nga Gaza ose jugu i Libanit, por spektri i qëllimeve të Izraelit përfshin të gjithë Azinë Perëndimore, dhe në rast të një veprimi të mundshëm të SHBA-së, i gjithë rajoni do të preket."

Duke iu referuar trazirave të fundit në Iran, Munawwar tha: "Protestat fillimisht ishin të natyrës sociale, por ndërhyrja e fuqive të huaja dhe udhëzimi i protestuesve drejt dhunës e ndërlikuan më tej situatën e brendshme."

Ai e konsideroi sulmin ndaj rezidencës së ambasadores palestineze dhe sulmin ndaj institucioneve fetare një shenjë të kundërshtimit të protestuesve ndaj Rezistencës Palestineze dhe Republikës Islamike, duke shtuar: "Ajo që përcaktoi fatin e këtyre zhvillimeve ishte prania e gjerë e masave popullore dhe mbështetja e tyre për vendin e vet".

Përfaqësuesi i Xhihadit Islamik palestinez në Liban theksoi: "Çdo sulm ndaj Republikës Islamike të Iranit është në fakt një sulm ndaj Kauzës Palestineze, sepse Irani është i vetmi vend që vazhdon të çojë përpara projektin e Rezistencës."

Ai shtoi: "Forcat e Rezistencës do të qëndrojnë në krah të Iranit, sepse përballja me planet sioniste kërkon unitet dhe solidaritet."

Në përfundim, duke iu referuar monitorimit të afërt të zhvillimeve në Iran, Munawwar tha: "Lëvizja e Xhihadit Islamik shpreson që Irani ta kalojë këtë fazë me forcë dhe të dalë fitimtar."