U hiqet shtetësia disa qytetarëve në Bahrejn

Regjimi Al Khalifa i Bahrejnit nga viti 2012 e deri në fund të vitit 2017 u ka hequr shtetësinë 594 shtetasve bahrejnas.

Xhavad Firuz, ish deputet i parlamentit të Bahrejnit dhe anëtar i lëvizjes Vafak është një prej atyre personave të cilëve u është hequr shtetësia nga regjimi Al Khalifa. Ai në një deklaratë të tij ka thënë se regjimi Al Khalifa i Bahrejnit shtetësinë po e përdor si armë për të dhunuar dhe shtypur opozitarët. Vlen të theksohet se Bahrejni përballet me protesta popullore që prej vitit 2011 me kërkesën për drejtësi dhe liri dhe zgjedhjen e shtetit me votën e lirë të popullit.